प्रेम दिवसको अवसर पारेर गीत सार्वजनिक गरिएको हो । गीतको भिडियो कलाकार गंगा लिम्बु र जमुना लिम्बुले सोल्टिनीको भूमिकामा अभिनय गरेका छन् । भिडियोमा गायक बादलसँगै कलाकार भूपु लिम्बुको पनि अभिनय छ ।

‘यो रोमान्टिक शैलीको प्रेम गीत हो । गीतमा लिम्बु संस्कृतिको लय झल्किएको अनुभूति गर्न सकिन्छ,’ गायक लिम्बुले भने । उदयराज पौडेलको एरेन्ज, अनिल रानाको सम्पादन रहेको यो गीतको भिडियोको छायांकन र निर्देशन किरन राईले गरेका हुन् । गीतलाई मुन्धुम स्टुडियोले सार्वजनिक गरेको हो ।